Өскемен – Риддер жолы: жөндеу жұмыстары 2025 жылы аяқталады
Биыл Өскемен – Риддер – Ресей шекарасы автожолы жөнделе бастады. «Қазавтожол» АҚ ШҚОФ хабарлағандай, облыс орталығынан моноқалаға дейінгі 105 км жол орташа жөнделеді, деп хабарлайды Altainews.kz тілшісі.
– Жұмыстардың жалпы құны 11 млрд теңгеден асады, оның 3 млрд теңгесі биыл 30 км учаскеге бөлінген, – деді «Қазавтожол» АҚ ШҚОФ директорының орынбасары Нұрлан Әзімбаев.
Жобаға үш мердігер ұйым қатысады. Жүріс бөлігінің негізін нығайту үшін барлық учаскелерде қалыңдығы 25 см-ге дейінгі жол жабындысын төсеу қарастырылған.
Нұрлан Әзімбаевтың айтуынша, жоба аясында 11 шақырым жол төсемін екі қабатты асфальтпен төсеу, жол жиегін қиыршық таспен нығайту және жол белгілерін салу жоспарланған.
– Ағымдағы жылы 0-10 км және 10-30 км учаскелерінде жұмыстар аяқталады. 30-70 және 70-105 км учаскелерінде жұмыстар басталды, – деді «Қазавтожол»АҚ ШҚОФ өкілі.
Оның айтуынша, жөндеу жұмыстары 2025 жылы аяқталады.
Фото: Екатерина Скударнова
Оқи отырыңыз
