Отбасы банктің тұрғын үй бағдарламаларына қатысуға қосымша қабылдау 16 қыркүйекте басталып, 25 қыркүйекті қоса алғанға дейін жалғасады, деп хабарлайды Altainews.kz тілшісі. 

Қосымша қабылдауға бұған дейін «Отау» және «Наурыз» бағдарламаларына қатысушылардың негізгі тізіміне енбеген, дегенмен банктің тұрғын үй бағдарламаларына қатысуға шешім қабылдаған азаматтар өтініш бере алады.

Бүгінде Отбасы банк «Отау» және «Наурыз» бағдарламаларының шарттарын бір жүйеге келтірген, яғни талаптары бірдей.

Енді бағдарламаға қатысушылар үшін:

- салымды жинақтау мерзіміне шарттар қойылмайды, депозитті қатысуға өтінім бергенге дейін ашуға болады;

- несиенің максималды сомасы ұлғайтылды – Астана, Алматы қалаларында 36 млн теңге және басқа өңірлерде 30 млн теңге;

- халықтың әлеуметтік осал топтары санатындағы тұрғын үйге мұқтаж жан ретінде есепте тұрған адамдар үшін сыйақы мөлшерлемесі 7%-ға дейін төмендетілді;

Оның айтуынша, 120 адам бағдарламадан бас тартқан. Себебі, төлем қабілетін растай алған жоқ немесе алғашқы жарнасын жинаған жоқ. Соған байланысты 16-25 қыркүйек аралығында 10 күн бойы қосымша өтініш қабылданады. Отбасы банк салымшыларын осы мүмкіндікті пайдалануға шақырады.

Банк мәліметінше, депозиттегі жинақтың ең аз сомасы 1 млн теңге. Бастапқы жарна 20 %. Несиелеу мерзімі 19 жылға дейін.

Ипотекалық бағдарламаға қатысуға өтінімді Баспана маркет порталында (otbasybank.kz) беруге болады.