ШҚО-да өзен арнасы құндыздар құлатқан ағаштардан тазартылды
Огневка ауылы маңындағы Тайынты өзенінде «Коммунальник» КМК мен Асубұлақ орман шаруашылығының қызметкерлері өзен арнасын құлаған ағаш-талдардан тазартты, деп хабарлайды Altainews.kz тілшісі.
- Бұл су тасқынына қарсы шаралар су ернеуінен асуының алдын алу үшін және аудандық маңызы бар автомобиль жолына су кетпеуі мақсатында атқарылды. Жиналған ағаштар мұқтаж отбасыларға отын ретінде таратылды, - деп хабарлады Ұлан ауданының әкімдігі.
Айта кету керек, бұл жағдай жабайы табиғат "өкілдері" құндыздардың талдарды талмай кеміруі салдарынан орын алуда. Мамандар айтуынша, бұл жұмыстар алдағы уақытта да жалғаспақ.
Оқи отырыңыз
