Жоғарғы тыныс жолдарының аурулары бойынша жүгінулер 11%-ға өсті – ШҚО Денсаулық сақтау басқармасы
ШҚО Денсаулық сақтау басқармасы жоғарғы тыныс жолдарының аурулары бойынша жүгінулер санының 11%-ға өскенін айтты,- деп хабарлайды Аltainews.kz тілшісі.
Химиялық заттардың әсерінен туындаған диагноздар тіркелмеген. Ведомство ағымдағы жылдағы тыныс алу органдары ауруларының статистикасын талдауды жалғастыруда. 2024 жылдың алғашқы 9 айында Өскеменде жоғарғы тыныс жолдарының патологиясымен 72 мыңнан астам пациент емделген. Айта кету керек, аурулардың халықаралық жіктемесінде «көмейдің химиялық күйігі» деген диагноз жоқ.
— ҚМЖ кезінде тұрғындарға ашық ауада болу уақытын барынша қысқарту, сыртта физикалық белсенділіктен бас тарту және қорғаныс маскаларын қолдану ұсынылады. Сондай-ақ, құрамында майы көп тағамдарды рационға қосып, ауыз қуысты шөп қайнатпаларымен жиі шаю қажет, — деді облыстың бас терапевті Михаил Бугайцов.
Оқи отырыңыз
Тыныс алу жолдарының химиялық күйігі аурулар тізіміне қайтарылдыӨскеменде негізгі ластаушы кәсіпорынның бірі 13 факті бойынша ғана жауапқа тартылғанҚазақстандықтар жиі шалдығатын ауру түрлері белгілі болдыШҚО-да 11 жастағы баланың өліміне қатысты денсаулық сақтау басқармасы түсінік бердіШҚО тұрғындары тыныс алу органдарының ауруларына жиі шалдығады
