Өскемен қаласының әкімі Алмат Ақышов қызметке кіріскеннен бастап облыс орталығының шеткі аудандарын аралап, тұрғындардың мәселелерімен танысуға уәде берген болатын. Бүгін қала басшысы Согра кентінің тұрғындарымен кездесіп, олардың сұрақтарына жауап берді, деп хабарлайды Altainews.kz тілшісі.

Кенттегі №23 мектепте өткен кездесуге тұрғындар белсенді түрде қатысты. Олар мешіт пен мұсылмандар зиратының құрылысы, жарық мәселелері, саябақ пен футбол алаңын күтіп ұстау сияқты бірқатар маңызды сұрақтарды көтерді.

Ескі Согра тұрғыны Надежда Баранова теміржол үстіндегі жаяу жүргіншілер өткелінің сынғанын және екі жақтан өскен ағаштардың поезды көруге кедергі келтіретінін айтты.

Қала әкімі жол бойындағы ағаштарды кесу мәселесін теміржолшылармен бірлесе шешетінін және жол белгілерін көктемде орнататынын жеткізді.

1977 жылдан бері осы жерде тұрып келе жатқан Жомарт ақсақал мұсылмандар зиратына жер бөлу және мешіт салу мәселесін көтерді. Қала әкімі бұл сұрақты жан-жақты талқылау қажет екенін атап өтті:

Халифа Алтай мешітінің ұстазы Берік Қадірұлы мешіт құрылысы жайында былай деді:

Кездесу барысында кенттің жолдарын жөндеу мәселесі де қозғалды.

«Біріккен Энергосервистік Компания» АҚ бас инженері Дмитрий Шепотько жиі сөнетін жарық мәселесін түсіндіріп, мәселені шешу бағытындағы жоспарларын баяндады.

Кездесу соңында қала әкімі:

Шаһар басшысы кездесуден кейін тұрғындарды жеке қабылдады.

Айна Ескенқызы

Фото/видео: Ермек Жиенбеков