Өскемен қаласында қоғамдық көлік сапасын айтарлықтай жақсартатын «ONAY!» электронды билеттеу жүйесінің енгізілуі басталды. Алматы, Қарағанды, Теміртау, Балқаш, Саран және Талдықорған сияқты қалаларда сәтті іске қосылған жүйе енді Шығыс Қазақстан облысының орталығында да енгізілмек. Бұл бастама жолаушылар тасымалын оңтайландыруға және қаланың көлік инфрақұрылымын жақсартуға бағытталған, деп хабарлайды Altainews.kz тілшісі.

«ONAY!» жүйесінің басты артықшылықтарының бірі – кәсіпорындардың табыстылығын арттырып, көлеңкелі айналымды азайтуы және қоғамдық көліктің тұрақтылығын 95%-ға дейін қамтамасыз етуі. Соңғы үш жыл ішінде жүйе енгізілген қалаларда жылжымалы құрамның 97%-ға жуығы жаңартылған.

Жаңа жүйе сондай-ақ жолаушылар ағынын жан-жақты талдау арқылы бағыттардағы қолданыстағы мәселелерді шешуге және қызмет көрсету сапасын жақсарту мүмкіндіктерін анықтауға көмектеседі.

«ONAY!» электронды билеттеу жүйесі – Өскемен қаласында ыңғайлы, ашық және тиімді көлік инфрақұрылымын құру жолындағы маңызды қадам. Оның енгізілуі қалалық мобильділіктің дамуына айтарлықтай серпін бермек.

Ержан Әбіш

Фото: Махаббат Ахметжанова