Алтай ауданының Серебрянск қаласында ерекше мәдени шара өтті. Девиантты мінез-құлықты балаларға арналған арнайы мектеп-интернатқа Шығыс Қазақстан облыстық филармониясының әртістері арнайы келіп, концерт қойды.

«Alem sazy» вокалды-аспаптық ансамблі мен филармония солистері ең танымал әндерді жанды дауыста орындап, көрермендерге көтеріңкі көңіл-күй сыйлады. Балалар да бұл өнер кешіне белсене қатысып, әртістермен бірге ән айтып, би билеп, ерекше әсер алды.

Бұл іс-шара «Ауыл – Ел бесігі» жобасының қолдауымен ұйымдастырылды. Жоба ауылдық жерлердегі мәдениетті дамытуға және балалардың шығармашылық қабілеттерін арттыруға бағытталған.

Алтай ауданының ішкі саясат бөлімі өкілдері мұндай шаралардың тәрбиелік маңызы зор екенін атап өтті.