ШҚО аумағында ауа райының күрт нашарлауына байланысты жол қозғалысына шектеу енгізілді. Бұл туралы «Облшығысжол» ЖШС мәлімдеді.

Таңғы сағат 08:30-дан бастап облыстық маңыздағы келесі жол учаскелерінде жазғы шинамен жүрген көліктердің жүруіне уақытша тыйым салынды:

    •    «Өскемен – Тарғын – Самар» автожолының 63-145 шақырымы (Тарғын ауылынан Самар ауылына дейін);
    •    «Өскемен – Таулы Үлбі – Северное» автожолының 28-60 шақырымы (Таулы Үлбі ауылынан Северное ауылына дейін).

Сондай-ақ, жол-климаттық жағдайлардың нашарлауына (қар, көктайғақ) және қысқы дөңгелекпен жабдықталмаған көлік құралдарының жолдағы қауіпсіздігіне қатер төнуіне байланысты:
    •    «Өскемен-Алтай-Үлкен Нарын-Катонқарағай-Рахманов бұлақтары» автожолының 6-450 км аралығында (Ушановское ауылынан Рахманов бұлақтары шипажайына дейін) көлік құралдарының қозғалысына шектеу енгізіледі.

Авариялық қауіпті учаскелерде көктайғаққа қарсы материал себілуде, патрульдеу жүргізілуде, сондай-ақ техника жұмыс істеуде.

ШҚО ТЖД қауіпсіздік шараларын сақтауды және мүмкіндігінше алыс сапарларды кейінге қалдыруды сұрайды.

Төтенше жағдай туындаған жағдайда 112 нөміріне хабарласыңыз.