Облыста бизнес пен білім беру саласы арасындағы байланысты нығайтуға, сондай-ақ уақыт талабына сай, қиындықтарға төтеп беретін, бейімделе алатын білікті жұмыс күшін қалыптастыруға бағытталған тағы бір тың қадам жасалды, деп хабарлайды  Altainews.kz тілшісі.

Технология қарыштап дамып, мамандардың біліктілігіне қойылатын талаптар күн санап артып келе жатқан қазіргі кезеңде индустриялық аймақ кәсіпорындары үшін адами капиталға инвестиция салу ерекше маңызды болып отыр. Кадр даярлаудың тиімді жолдарының бірі – теория мен практиканы ұштастыратын дуалды оқыту жүйесі.

Өңірлік кәсіпкерлер палатасы тәлімгерлердің — дуалды білім беру процесінің негізгі қатысушыларының — құзыретін арттыру бағытында белсенді жұмыс жүргізуде. Жақында облыс кәсіпорындарында студенттер мен жас қызметкерлерге өндірісте жетекшілік ететін мамандарға арналған оқыту курсы өтті. Биыл әр саладағы 40-тан астам кәсіпорын қызметкері осы оқудан өтті. Қатысушылар тек білімдерін жетілдіріп қана қоймай, жұмыс орнында қолайлы әрі нәтижелі оқу ортасын қалыптастыруға сеп болатын пайдалы тәжірибе жинады. Бұл — кәсіпорындардың тұрақты дамуы мен түлектердің еңбек нарығындағы бәсекеге қабілеттілігін арттыру үшін аса маңызды.

Курс аясында қатысушылар теориялық және практикалық мазмұны бар тақырыптарды қамтыды: тиімді нұсқау беру әдістері, еңбек қауіпсіздігі және қорғау негіздері, корпоративтік мәдениет, білім алушыларды ынталандыру тәсілдері, психология мен педагогика негіздері.

«Қазмырыш» ЖШС корпоративтік университетінің оқу орындарымен жұмыс жөніндегі бас маманы Ирина Елфимова семинар барысында тәлімгердің маман даярлау үдерісіндегі рөліне қатысты маңызды ақпарат алғанын атап өтті:

Екі күндік курстан өткен Өскемен ЖЭО қызметкері Сырым Өмірзақов оқытудың қолжетімділігі мен мазмұнына ризашылығын білдірді.

Ал ШҚО кәсіпкерлер палатасының өкілі Әсет Әділхан: