Биыл халқымыз ұлы ақын, кемеңгер ойшыл, дана философ Абай Құнанбайұлының 180 жылдығын атап өтуде. Осы айтулы датаға орай ШҚО-дағы Алтай ауданында бірқатар ауқымды іс-шаралар ұйымдастырылып, мерейтойға тыңғылықты дайындық жұмыстары жүргізіліп жатыр, деп хабарлайды Altainews.kz тілшісі.

Аудан әкімі Ренат Құрмамбаевтың айтуынша, қаланың көрнекі жеріне Абай Құнанбайұлы бейнеленген мурал салынуда. Сонымен қатар қалалық №11 орта мектептің базасында Абай залы ашылған. «Ұлы ойшылдың мұрасын зерделеуге, ұғынуға бағытталған түрлі танымдық іс-шаралар ұйымдастырылып жатыр», – дейді әкім.

Алтай қаласының тұрғыны Оксана Скоснягина мерейтой қарсаңындағы дайындық шараларына оң бағасын беріп отыр:

Жақында өткен дөңгелек үстел барысында жастар өкілі Антон Кузнецов өз әсерімен бөлісті:

Абай шығармаларын оқи отырып, оның халқының алға ілгерілеуін қалайтынын, осы мақсатта білім мен ғылымды басты орынға қойғанын аңғарамыз. Бұл жөнінде Қазақстан Президенті Қасым-Жомарт Тоқаев «Абай және ХХІ ғасырдағы Қазақстан» атты мақаласында: «Абайдың асыл арманы – елінің ілгері басып, дамуы. Ол осы идеяны барынша насихаттады. Ал ілгері дамудың негізі – білім мен ғылым» деп атап өткен еді.
Расында, Абайдың даналығы мен өлмес мұрасы – рухымызды көтеріп, биік мұраттарға жетелейтін баға жетпес құндылық.