Семей полигонынан зардап шеккен азаматтардың емделуі, оңалту квоталары, жол шығындары және Өскеменнің іргесіндегі мұсылмандар зиратын кеңейту. Осы және өзге де өзекті мәселелері Өскеменде өткен Шығыс Қазақстан облыстық ақсақалдар кеңесінің кезекті отырысында қаралды. Ақсақалдар басқарма өкілдеріне сауалдар қойып, нақты жауап алды, ал көтерілген ұсыныстар алдағы уақытта тиісті органдарға жолданатын болды, деп хабарлайды Altainews.kz тілшісі.

Өскемендегі «Достық үйі – қоғамдық келісім орталығында» өткен Шығыс Қазақстан облыстық ақсақалдар кеңесінің кезекті отырысына облыстық басқармалар мен қалалық әкімдік өкілдері де қатысты.
Кеңесте бірнеше өзекті тақырып қозғалды. Оның ішінде Семей полигонынан зардап шеккен азаматтардың емделу мәселесі, оңалту орталықтарына бөлінетін квота, жол шығындары мен тәртібі талқыланды. Сонымен қатар Өскемендегі мұсылмандар зиратының аумағын кеңейту мәселесі сөз болды. Жиында Желдіөзек асуындағы зират аумағының тарылып бара жатқаны және кейбір бейберекетсіздіктерге қатысты пікірлер айтылды.
Облыстық ақсақалдар кеңесінің төрағасы Манарбек Мұхамеджанов бұл мәселелерге тоқталды.

Кеңес барысында айтылған ұсыныстар мен пікірлер алдағы уақытта назарға алынып, тиісті органдарға жеткізілетін болды.

Фото: Жібек Нұрахмет

Видео: Жәнібек Ырысбай