Өскемен гарнизонында тұрмыстық зорлық-зомбылыққа қарсы іс-шара өтті
Өскемен гарнизонының 27943 әскери бөліміндегі нәзік жанды әскери қызметшілердің қатысуымен тұрмыстық зорлық-зомбылыққа арналған іс-шара ұйымдастырылды.
Аталмыш шара «Құқық бұзушылықсыз әскер» акциясы аясында ұйымдастырылған, деп хабарлайды Altaynews тілшісі.
Шараның мақсаты – әскери қызметшілер мен отбасы мүшелерінің арасында құқық бұзушылықтардың алдын алу, жалпы құқықтық негіздерді түсіндіру.
- Қазір Өскемен гарнизонына қарасты әскери бөлімдерде түрлі тақырыптарды қамтитын онкүндіктерге ерекше назар аударылған.Әскери қызметшілердің құқықтық танымдарын жетілдіру мақсатында жоспарланған айлықтар мен онкүндіктер жиі өткізіледі. Осы кездесу барысында жеке құрамға кез-келген құқық бұзушылықтың салдары үлкен қылмысқа әкеліп соғатыны жеткізілді, - деді әділет аға лейтенанты Ғани Нұрғаламбаев.
Шараға әскери полиция өкілдері, Өскемен қалалық жергілікті ПҚ Әйелдер құқығын зорлық-зомбылықтан қорғау жөніндегі аға инспектор, дағдарыс орталығының психологы қатысқан.
Оқи отырыңыз
