Өскеменде қоқысты бөлек жинауға арналған контейнерлер орнатылады

Облыс орталығына қалдықтарды бөлек жинауға арналған контейнерлер мен арнайы қоқыс тасығыштар жеткізілді. Бұл туралы қала әкімі Жақсылық Омар өзінің Instagram-дағы жеке парақшасында мәлімдеді, деп хабарлайды Аltaynews тілшісі.

-  Шыны қалдықтарын жинауға арналған екі машина Өскеменге келді. Осы аптаның соңына дейін тағы төрт қоқыс тасығыш жеткізіледі, - деп жазды шаhар басшысы.

Қала бойынша контейнерлердің үш түрін орнату жоспарланып отыр. Олар: органикалық қалдықтарға, әйнекке және басқа да бейорганикалық қалдықтарға (пластик, қағаз, металл) арналған. Сұрыпталған қоқыстарды бөлек-бөлек жинау үшін қалаға 1300-ден астам астам контейнер жеткізілген екен.