«E-Salyq Business» мобильді қосымшасы арнаулы мобильді қосымшаны пайдалана отырып және оңайлатылған декларация негізінде арнаулы салық режимін қолданатын жеке кәсіпкерлер үшін әзірленген.

Қолданбаның функционалдығы мына мүмкіндіктерді береді:

- жеке кәсіпкер ретінде тіркелу;

- салық режимін таңдау және өзгерту;

- чектер беру;

- кірістер тізілімін автоматты түрде қалыптастыру;

- қосымшада есептелген салық міндеттемелерін, оның ішінде қызметкерлер бойынша төлеуге;

- оңайлатылған декларацияны ұсыну;

- берешектерді қарау және өтеу;

- мемлекеттік кірістер органдарының хабарламаларын алу;

- ЖК қызметін оңайлатылған тәртіппен тоқтату;

- төлемдерді басқару-бұл есептеулер мен қайтарулар;

- анықтамалар алу: ЖК ретінде тіркелу, ЖК кірісі, қызметкерлердің кірісі туралы.

Қолданбаны «Play Market», «App Store» және «App Gallery» дүкендерінде қол жетімді.

«E-Salyq Business» мобильді қосымшасы-жеке кәсіпкерлерге салық міндеттемелерін орындауды жеңілдететін жаңа ыңғайлы цифрлық шешім!

Арнаулы мобильді қосымшаны пайдалана отырып, арнаулы салық режимі мынадай шарттарға сәйкес келетін:

1) қызметкерлердің еңбегін пайдаланбайтын;

2) қызметті жеке кәсіпкерлік нысанында жүзеге асыратын;

3) мынадай қызмет түрлерінің біреуін немесе бірнешеуін:

-сылақ жұмыстарын;

-ағаш ұсталығы мен ағаш шеберлігі жұмыстарын;

-еден жабу және қабырға қаптау жөніндегі жұмыстарды;

- бояу және шынылау жұмыстарын;

- такси қызметін;

- автомобиль көлігімен жүк тасымалдауды;

- сыйақы үшін немесе шарт негізінде жылжымайтын мүлікті басқаруды;

- фотография саласындағы қызметті;

- аударма (ауызша және жазбаша) ісін;

- мүліктік жалдауға (жалға) беруді;

- көлік құралдарын мүліктік жалдауға (жалға) беруді;

- ойын-сауық және спорттық керек-жарақтарды прокатқа және мүліктік жалдауға (жалға) беруді;

- бейнежазбалар мен дискілерді прокатқа беруді;

- басқа да жеке тұтыну заттарын және тұрмыстық тауарларды прокатқа беруді және мүліктік жалдауға (жалға) беруді;

- ауыл шаруашылығы техникасы мен жабдығын мүліктік жалдауға (жалға) беруді;

- есептеуіш техниканы қоса алғанда, кеңсе машиналары мен жабдығын мүліктік жалдауға (жалға) беруді;

- спорттық білім және бос уақытты ұйымдастыру мамандарына білім беру саласында көрсетілетін қызметтерді;

- мәдениет саласындағы білім берудің көрсетілетін қызметтерін;

- басқа да білім беру саласында көрсетілетін қызметтерді;

- қосалқы білім беру қызметтерін;

- өнер саласындағы қызметті;

- компьютерлерді және перифериялық жабдықты жөндеуді;

- коммуникациялық жабдықты жөндеуді;

- жеке тұтыну заттарын және тұрмыстық тауарларды жөндеуді;

- шаштараз қызметтерін;

- маникюрді және педикюрді;

- ветеринариялық көрсетілетін қызметтерді;

- жер учаскелерін өңдеу бойынша көрсетілетін қызметтерді;

- тұрғын үй-жайларды жинау және үй шаруашылығын жүргізу бойынша көрсетілетін қызметтерді;

- базарларда, вокзалдарда жүк тасушылар көрсететін қызметтерді;

- музыкалық аспаптарды жасауды және жөндеуді;

- үй жануарларын бағуды жүзеге асыру қызметтерін;

- пошта жөнелтілімдерін жеткізу жөніндегі қызметтерді қоспағанда, курьерлік жеткізу қызметтін жүзеге асыратын дара кәсiпкерлер қолдануға құқылы.

Жеке табыс салығының сомасын есептеу салық салу объектісіне 1 пайыз мөлшерінде мөлшерлемені қолдану жолымен жүргізіледі.

Әлеуметтік төлемдерді есептеу Қазақстан Республикасының Әлеуметтік кодексіне және «Міндетті әлеуметтік медициналық сақтандыру туралы» Қазақстан Республикасының Заңына сәйкес жүргізіледі:

- МЗЖ – 10% (әлеуметтік аударымдарды төлеу үшін ЖК дербес айқындайтын кірістен);

- ЖМЗЖ – 1,5% (жұмыс берушінің міндетті зейнетақы жарналарын есептеу үшін қабылданатын қызметкердің ай сайынғы табысынан);

- Әлеуметтік аударымдар-әлеуметтік аударымдарды есептеу объектісінен 3,5%;

- МӘМС жарналары 1,4 ЕТЖ-дан 5% (2024 жылы 5 950 теңге)

ЖК әлеуметтік төлемдерді төлеу үшін табысты дербес айқындайды:

- МЗЖ үшін-айына 1-ден 50 ЕТЖ дейін;

- әлеуметтік аударымдар үшін – 1-ден 7 ЕТЖ.

2024 жылға ЕТЖ сомасы 85 000 теңгені құрайды.

Жеке табыс салығы мен әлеуметтік төлемдер сомасын есептеуді арнайы мобильді қосымша ай сайын есепті айдан кейінгі айдың 15-күнінен кешіктірмей жүргізеді.

Жеке табыс салығы мен әлеуметтік төлемдер есепті айдан кейінгі айдың 25-күнінен кешіктірілмей төленуге тиіс.