Глубокое ауданында 12 жоба “Ауыл Аманаты” бағдарламасы аясында несиелендірілді
Биыл «Ауыл Аманаты» жеңілдетілген несиелеу бағдарламасы іске қосылған болатын.
Глубокое ауданында 139,9 млн теңгеге 12 жоба несиелендірілді, деп хабарлайды Altaynews.kz тілшісі.
Қазақстан Республикасының Президенті Қасым-Жомарт Тоқаевтың «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы» Жарлығын іске асыру мақсатында ауыл тұрғындарының әл-ауқатын жақсарту және әлеуметтік мәселелерін жедел шешу мақсатында бүкіл Қазақстан бойынша «Ауыл аманаты» жобасы іске қосылды.
- Осы жоба аясында 3 жоба туристік салаға, 7 – мал шаруашылығын дамытуға, 1 - жануарларға жем-шөп базасын дайындауға, 1 – сүт қабылдау және сақтауға бағытталған. Жобалардан күтілетін нәтиже кемінде 20 жаңа жұмыс орнын құру, аудан ауылдарына туристерді тарту, мал шаруашылығын күтіп-бағу үшін дайындық базасын ұлғайту, жеке тұрғын үй шаруашылығынан сүтті сатып алу және сақтау көлемінің өсуі болып табылады,- деді Эльдар Тұмашинов.
Оқи отырыңыз
