Бағдарламаға қатысуға өтінімдер 2024 жылғы 15-30 сәуір аралығында қабылданады.

 Үстіміздегі жылы Қазақстан бойынша біздің облыста алғаш рет пилоттық түрде Шығыс Қазақстан облысының жылу энергетикасы саласының қызметкерлерін қолдауға және ынталандыруға бағытталған «Шығыс маманы» жеңілдікті ипотекалық бағдарламасы іске асырылады, деп хабарлайды, Altainews kz тілшісі.     

Қазіргі күні облыс халқына 3 жылу электр станциясы мен 32 коммуналдық мекеме қызмет көрсетіп жатыр. Оларда   2,5 мыңнан астам адам жұмыс істеп жатыр.

«Шығыс маманы» ипотекалық бағдарламасын жүзеге асыруға облыстық бюджеттен 300 млн. теңге бөлініп отыр. Бұл қаржыға биыл 15 маман алғашқы және қайталама нарықтан несиеге пәтер немесе үй сатып ала алады. Бағдарламаның әкімшісі  ШҚО энергетика және ТКШ басқармасы. Бағдарлама «Отбасы банкі» АҚ мен бірлесе іске асырылады. Несие облыстағы жылу энергетика саласының қызметкерлеріне жылдық 5 пайыздық сыйақы мөлшерлемесімен беріледі. Пәтер алатын маман несиені бірден  5 пайыздық мөлшерлемемен төлейді, кейіннен несие пайызы 3,5 пайызға төмендетілмек.  Несие қарызы  20 млн. теңгеге дейін беріледі. тұрғын үй құны асып кеткен жағдайда айырманы өтініш беруші өз қаражаты есебінен қосымша төлейді. Алғашқы жарна үшін баспана алушы азамат тұрғын үй құнының 10 пайызын алдын ала банкке салуы тиіс. Несиелеудің жалпы мерзімі 19 жыл.

ШҚО энергетика және ТКШ басқармасы тұрғын үй коммуналдық щаруашылық бөлімінің басшысы Самат Сүлейменовтің айтқанындай, «Шығыс маманы» ипотекалық бағдарламасына өтінімдерді қабылдау аталған басқармада қабылданады.

Бағдарлама шарттары және өтінім беру бойынша кеңесті ШҚО энергетика және тұрғын үй-коммуналдық шаруашылық басқармасынан (Өскемен қ., К. Либкнехт көшесі, 19, 2 қабат) және АО «Отбасы Банк» филиалдарынан алуға болады.

Басқарманың «Шығыс маманы» бағдарламасы бойынша жауапты маманы: Бауржанова Гульназ Бауржанқызы, тел.: 8-(7232) 701-235, 8(705)281-19-00.

• Пәтер сатып алу үшін бастапқы жарна — тұрғын үй құнының 10%.
• Пайыздық мөлшерлеме — 5 %.
• Несиелеудің ең ұзақ мерзімі-19 жылға дейін.
• Өтініш берушінің төлем қабілеттілігі "Отбасы Банктің" ішкі құжаттамасына сәйкес айқындалады.

«Шығыс маманы» бағдарламасына кім қатысуға құқылы?

• Жылу энергиясын өндіру, беру және бөлу бойынша қызметтер көрсететін кәсіпорындарда жұмыс істейтін 18 жастан 50 жасқа дейінгі (қоса алғанда) Қазақстан Республикасының азаматтары
• Жылу энергиясын өндіру, беру және тарату бойынша қызметтер көрсететін табиғи монополиялар субъектілерінің қызметкерлері қатыса алады (мамандықтар тізіміне сәйкес):

Қосымша 1

Қатысушыларға қойылатын талаптар:

• ҚР азаматтығының болуы;
• Шығыс Қазақстан облысында отбасының барлық мүшелері үшін тұрақты тіркеудің болуы;
• Жұмыс орны бойынша тұрғын үйдің болмауы (соңғы 5 жылда);
• Жұбайлардың тек біреуінің бағдарламасына қатысу;
• Шығыс Қазақстан облысының жылу энергетикасы саласының кәсіпорындарында жұмыс істеу.

«Шығыс маманы» бағдарламасына қатысу үшін қандай құжаттар керек?

                Аймақтық бағдарламаға қатысу үшін өтініш берушіге құжаттар пакетін (көшірме сканері) дайындау қажет болады. Назар аударыңыз, бұл анықтамаларды алу күні өтініш жіберілген күннен бастап 10 күннен ерте болмауы керек:

• Белгіленген нысандағы өтініш (ШҚО энергетика және тұрғын үй-коммуналдық шаруашылық басқармасында беріледі);
• Өтінім берушіге және Қазақстан Республикасы бойынша отбасының барлық мүшелеріне жылжымайтын мүліктің жоқ (бар) екендігі туралы анықтама;
• «Электрондық үкімет»  веб-порталынан алынған соңғы жылдағы зейнетақы есептеулері туралы үзінді көшірме (egov.kz);
• Мөр өтініш берушінің азаматтық жай-күйін растау (неке қию немесе бұзу туралы куәлік, баланың тууы туралы куәлік, егер бар болса, мүгедектігі туралы анықтама);
• Қолы лауазымын, жұмыс кезеңін, жалақысының мөлшерін көрсете отырып, ресми бланкіде немесе ұйымның мөрімен расталған жұмысқа орналасу туралы анықтама;
• Еңбек өтілін растайтын құжаттар (еңбек, қызметтік тізім және т.б.).
• Қажет болған жағдайда уәкілетті органның басқа растайтын құжаттарды сұратуға құқығы бар.

                Сондай-ақ, қажет болған жағдайда ШҚО энергетика және ТКШ басқармасы атынан уәкілетті органның басқа да растайтын құжаттарды сұратуға құқығы бар.

Өтінішті қалай және қайда  беру керек?

                Өтінімдерді ШҚО энергетика және тұрғын үй-коммуналдық шаруашылық басқармасы мына мекенжай бойынша қабылдайды: Өскемен қаласы, К.Либкнехт көшесі, 19, 2-қабаттағы кеңсе.

                Қабылдау 15.04.2024 жылдан басталады және 2024 жылғы 30 сәуірге дейін (12 жұмыс күніне), қабылдау уақыты сағат 9.00-ден 12.00-ге дейін жалғасады.

                Өтінімдерді қабылдау аяқталғаннан кейін барлық тілек білдірушілерден құжаттарды тексеру жүргізіледі, оған 15 күнтізбелік күнге дейінгі мерзім беріледі.

Қазіргі уақытта «Amanat» партиясы облыстық филиалының, облыстық мәслихат депутатының, ШҚО мемлекеттік еңбек инспекциясы басқармасының, ШҚО кәсіпкерлік қызметкерлері кәсіподағының, сондай-ақ «Отбасы Банк» АҚ облыстық филиалының өкілдерінен тұратын «Шығыс маманы» Өңірлік Ипотекалық бағдарламасын іске асыру жөніндегі комиссияның құрамы бекітілді.

Ағымдағы жылдың 18 наурызында жұмыс комиссиясының бірінші отырысында бағдарламаны іске асыру кезеңдері, талаптарды бекіту және үміткерлерге бағалау критерийлері талқыланды.

Өтініштерді қабылдау аяқталған күннен бастап 15 жұмыс күні ішінде Бағдарламаға қатысушыларды іріктеу жүргізіледі.;

                Өткен жағдайда қатысушы өткендігі туралы хабардар етіледі және Бағдарламаға қатысушының қаржылық мүмкіндіктерін (кредит қабілеттілігін) айқындауға бағытталған «Отбасы Банкі» АҚ іс-шаралар кешенін өткізу үшін Келісімде белгіленген бекітілген нысанда жолдама алады.

                Қатысушы белгіленген мерзімде келмеген жағдайда ЖАО бағдарламаға қатысуды кезектегі келесі өтініш берушіге беруге құқылы.

                Тексеруден сәтті өткен жағдайда, азамат сатып алуға қолайлы баспана табуы керек.               Ол үшін оған күнтізбелік 30 күнге дейінгі уақыт аралығы беріледі. Содан кейін 15 күндік мерзімде өтініш беруші мәміле жасасуға міндетті. Егер қандай да бір себептермен қатысушы өз міндеттемелерін орындамаса, әкімдік қатысуға жолдаманы тізім бойынша келесі үміткерге береді.

                Өтініш берушілердің тізімі балдық жүйені ескере отырып (ең көп балл саны бойынша) санаттар (салалар)бойынша қалыптастырылады.