Алматыға жақын ауылдардың бірінде арыстан жүр. Аңның видеосын Экология министрлігінің баспасөз хатшысы Самал Ибраева әлеуметтік желіге жүктеді.

– Ауылға Орман шаруашылығы және жануарлар дүниесі комитетінің мамандары барды. Бұл видео рас Алматыға жақын ауылда түсірілгені анықталды. Қазір «аң патшасының» жағдайы жақсы. Қайда өткізілетіні қарастырылып жатыр. Ал аңның өзі қайдан пайда болды дегенге келсек, оны да полиция анықтап жатыр. Алдағы уақытта хабарлап отырамыз, – деп жазды баспасөз хатшысы.