ШҚО-да полиция подполковнигін соққыға жыққан тұрғын жауапкершілікке тартылды.

Оқиға 11 шілде күні Самар ауданында болған, деп хабарлайды Altaynews тілшісі.

11 шілде күні полицияға ауыл тұрғындарының бірі үйінде адам қайтыс болғанын хабарлайды. Осылайша, аталған мекенжайға К. есімді полиция подполковнигі барған. Десе де, қандай да бір себептермен қайтыс болған ауыл тұрғынының ұлы полиция қызметкерлеріне агрессивті мінез-құлық танытып, қол көтерген.

Күршім аудандық соты ер адамды ҚР Қылмыстық кодексінің 380-бабы 3-бөлігіне сәйкес кінәлі деп тауып, екі жылға бас бостандығын шектеу жазасын тағайындады.