Семейдің төтенше жағдай қызметкерлері мен ерікті жастары қар астында қалған үйді аршып алды.

Семей маңы Приречное ауылындағы үйді қардан аршуға «жасотандықтар» республикалық «Біз біргеміз» челленджімен келді. Олар сондай-ақ Мұздыбай ауылындағы көпбалалы отбасылар мен мүгедек адамдардың ауласын да тазалап берді.

Айта кетейік, семейлік студенттер бұдан бұрын қаладағы мәдени-тарихи орындар мен Абай ескерткіші маңындағы қарды күреген болатын.