Бүгін елімізде Тұңғыш президент күні тойланып жатыр. Республика бойынша түрлі мерекелік іс-шаралар өтеді, деп хабарлайды Altaynews тілшісі.

1 желтоқсан – 1991 жылы ел тарихындағы тұңғыш жалпыхалықтық сайлауда Нұрсұлтан Назарбаевқа сайлауға қатысқан халықтың 98,78 пайызы дауыс беріп, Мемлекет басшысы ретінде таңдалған күн. 2011 жылғы 10 желтоқсанда парламент сенатының толық отырысында «Қазақстан Республикасының мерекелері туралы» заңына толықтырулар енгізу туралы» заңнамасына қол қойылған еді. Тұңғыш Президент күні Елбасының Қазақ елі үшін жасаған еңбегін елеп, ескеру мақсатында күнтізбеге енді.