Көкпекті жерінде "Рухани жаңғыру" бағдарламасының аясында облыс, аудан әкімдігі және Жастар ресурстық орталығының ұйымдастыруымен халықаралық "Толағай сұлтаны" сайысы басталды, деп хабарлайды Алтайньюс тілшісі.
Жарысқа Қостанай, Ақмола, Қарағанды, Түркістан, Алматы облыстары мен ел астанасынан, Моңғолия жері Баян-өлгий аймағынан, сондай-ақ облыстағы аудандардан сегіз қырлы жігіттер қатысады. Ұзын саны - 23.
Сайыс бүгін теңге ілу, қазақша күрес, қолкүрес, жамбы ату, аударыспақ сынды ұлттық спорт түрлерінен өтеді.
Ертең шығармашылық сайыстан екінші бөлімі болады.
Естеріңізге сала кетейік, аталмыш жарыс былтыр облыс көлемінде болып еді. Биыл ауқымы кеңейді.