Шығыс Қазақстан облысында өртсөндірушілер бірнеше күн бойы Үржар мен Аягөз аймағындағы өртпен арпалысты, деп хабарлайды Алтайньюс тілшісі.

Өрт Аягөз ауданына қарасты Мыңбұлақ ауылдық округынде шыққан. Аптап пен құрғақшылықтың кесірінен өршелене түскен өрт Үржан ауданына қарай беттеген көрінеді.  ШҚО ТЖД-ның мәліметі бойынша, бұл жер «Тарбағатай МҰТП» РММ-ның күзету аймағына кіреді.

 – Өртті сөндіру үшін 60 адам мен 9 техника жұмылдырылды. Өрт шыққан аймақтың географиялық ерекшеліктеріне байланысты жұмыс істеу өте қиын болды, оның үстіне жел ұйытқып соғып тұрды, – дейді Үржар ауданы ТЖБ басшысы Жеңіс Домбаланов.