Шығыста 307 елді мекенде мектеп жоқ. Ал сол елді мекендерде 4 мыңға тарта мектеп жасындағы бала бар, деп хабарлайды Алтйньюс тілшісі.

Облыс әкімдігі бұл мәселенің шешімі табылғанын мәлімдеді.

– 2 948 баланы жақын ауылдардағы мектептерге арнайы автобустар апарып-алып келеді. Қазіргі таңда бізде балалар тасуға арналған 163 автобус бар, – деді облыс әкімінің орынбасары Әсем Нүсіпова.

Ал осындай елді мекендердегі 750 бала мектепті орталықтардағы интернаттарда жатып оқиды екен.