Ұлттық Банктің Шығыс Қазақстандағы филиалы ең көп теңге монеталарын жинаған өңір тұрғындарын марапаттады, деп хабарлайды Алтайньюс тілшісі.

Ұлттық Банктің жергілікті филиалы мамыр-маусым аралығында теңгенің айналымдағы монеталарын қайтару бойынша кезекті акциясын өткізді. Бірден айта кетейік, банк монеталарды кейіннен айналымға қайта шығару үшін жинап жатыр.

Акцияға өңіріміздің 66 тұрғыны қатысты. Жеңімпаздар екі номинация бойынша анықталды: «айырбасталған монеталардың ең көп сомасы», «айырбасталған монеталардың ең көп саны».

Акцияның ең белсенді қатысушылары Ұлттық банк шығаратын коллекциялық монеталармен, сондай-ақ кәдесыймен марапатталды.

Ұлттық Банктің Шығыс Қазақстан филиалы шілде-тамыз айларында аталмыш акцияның жаңа жеңімпаздарды анықтайтын болады. Қатысамын десеңіз, ескеріңіз:

Кассаның жұмыс тәртібі: жұмыс күндері сағат 9:00-ден бастап, сағат 15: 00-ге дейін. (үзіліс 13:00-14:00) мекен-жайы: Өскемен қаласы, Қазақстан көшесі, 3.

 Банк филиалының ғимаратына кіру үшін жеке куәлігіңіз қасыңызда болуы міндетті.

 Қосымша сұрақтар бойынша 560-683, 560-682 телефондарына хабарласуға болады.