Әкімшілік полиция комитеті алдағы уақытта республикалық маңызды жолдарда көліктердің жылдамдығы қалай бақыланатынын айтты, деп хабарлайды Алтайньюс тілшісі.

– Мысалы, бір көлік астанадан Бурабайға шықты дейік. Сол көліктің мемлекеттік нөмірі мен шыққан уақыты А бекетіндегі бақылау құрылғысына тіркеледі. Содан кейін оның Бурабайға жете бере Б бекетінде келген уақыты жазылады. Осылайша көліктің қанша уақыт жүргені анықталады да, жолда жылдамдықты шекетн асырған-асырмағаны белгілі болады, – деді Комитет басшысының орынбасары Әлібек Кеңесбаев.

Оның айтуынша, жылдамдықтың шегі әрбір жолдың сапасына қарай белгіленеді. Кей жерде – 50, кей жерде – 100 дегендей...

– Алдағы уақытта аталмыш жүйе енгізілуі мүмкін. Біз осы арқылы ұзын жолдардағы жол апатының санын азайта аламыз, – деді Ә.Кеңесбаев.