Тарбағатай ауданына қарасты Ахметбұлақ ауылының маңында аю жүр. Ауыл тұрғындары жыртқыш аңды бейнежазбаға түсіріп алыпты, деп хабарлайды Алтайньюс тілшісі.

Аталмыш видео Instagram әлеуметтік желісіндегі osa_uka_vko парақшасында жарияланып отыр.

Бейнежазбада аю адамдардан еш сескенбей, қол созым жерде шөптің үстінде жатқанын көруге болады. Аюдың қимылынан еш қауіп-қатер байқалмаса да, адамдар оған тас лақтырып, айқайлап, үркіте бастайды. Бұдан кейін аң қашып, адамдардан алыстап кетеді.