Енді ҰБТ нәтижелері бойынша мектептер арасында рейтинг жасалмайды, деп хабарлайды Алтайньюс тілшісі, ҚазАқпарат-қа сілтеме жасап.

Бұл туралы Білім және ғылым министрі Асхат Аймағамбетов Үкімет отырысында мәлімдеді. Министрдің айтуынша, жоғары оқу орнына түсу үшін өтетін емтихан қорытындысын негізге алып, рейтинг жасау дұрыс емес. Өңір әкімдіктерінен облыс, қала көлеміндегі рейтингтердің енді жасамауын сұраған министр, ҰБТ өткізу пунктерінің әрқайсысында медицина қызметкерлерінің болуын, қоғамдық тәртіптің қатаң сақталуын тапсырды. Сондай-ақ, мектеп бітіруші талапкерлер мен олардың ата-аналарына қолайлы жағдай жасалуын, оқушыларды тасымалдау мәселесін ұйымдастыруын талап етті.