Шығысқазақстандық тұрғындарды ауыз сумен қамтамасыз ету жөніндегі жобаларды іске асыруға 20 миллиардтан астам қаржы жұмсалған, деп хабарлайды Алтайньюс тілшісі.

Бұл туралы аймақ басшысы Даниал Ахметов облыстық мәслихат сессиясында айтып өтті.

-        Биыл 21,4 миллиард теңгеге 27 жобаны жүзеге асыру жоспарланған. Олардың ішінде шағын ауылдарда 428 миллион теңгеге 11 Блокты-модульді су тазарту және тарату станцияларын орнату да бар. Жыл соңына қарай біз 18 нысанды іске қосамыз. Ауыл халқын орталықтандырылған сумен жабдықтау 95,4% - ға жетеді. Өңірде халықты таза сумен қамтамасыз ету 98% - дан асады, - дейді облыс әкімі.