Өскеменде қызметтік автокөліктен 13 миллион теңге ұрланды, деп хабарлайды Алтайньюс тілшісі.

Полицияға арызданған 27 жастағы қала тұрғыны өзінің шұжық өнімдерін сатумен айналысатынын айтқан. 13 миллион теңгеден астам қаражатты көлігіне қалдырып, қайтып келгенде орнын сипап қалған екен.

– Жедел-тергеу іс-шаралары барысында Өскемен қаласының 21 жасар тұрғыны ұсталды. Ол жәбірленушінің танысы болып шықты. Қаражаттың негізгі бөлігі – 12 миллион 870 мың теңге иесіне қайтарылды, – деп хабарлады ШҚО Полиция департаментінің баспасөз қызметі.

Күдікті уақытша ұстау изоляторына қамалды.