Семейдегі балабақшаларды Қыдыр Ата аралап, балаларды жаңа жыл басталуымен құттықтап ақ батасын берді, деп хабарлайды Алтайньюс тілшісі.

– Танымдық іс-шара наурыз мейрамы қарсаңында ұйымдастырылған. Қыдыр Ата балаларға ақ бата беріп, мейрам және салт-дәстүр туралы түсінік береді. Ал балалар болса ұлттық нақышта киініп, би билеп, ән салады, – деді қалалық мәдениет және тілдерді дамыту бөлімінің жетекшісі Назерке Аққожина.

Қыдыр Ата бір күнде екі балабақша барады. Осылайша іс-шара 21 наурызға дейін жалғаспақ.

Айта кетейік, қалада наурыз бір апта бойы тойланады. 14-21 наурыз күндері Ертіс жағалауында түрлі мерекелік шара болады. 22 наурызда мейрам 5 жерде тойланады. Негізгі шара орталық алаңда болады.