Қазақстан мен Жапония су тасқынымен тиімді күресу үшін гидротехникалық құрылыстарды нығайту бойынша бірлесіп жұмыс жүргізуді жоспарлап отыр.

Жұмыстар осы жылдың маусым айында басталуы мүмкін, деп хабарлайды Аltainews.kz тілшісі Су ресурстары және ирригация министрлігі ақпаратына сүйеніп.

Қазіргі уақытта Жапония тарабы екі бағытта көмек көрсету мүмкіндігін қарастырып отыр. Біріншісі - Жапонияның жер, инфрақұрылым, көлік және туризм министрлігімен бірлесіп жұмыс жасау. Екінші бағыт – жапондық  халықаралық ынтымақтастық агенттігімен (JICA) өзара серіктестік орнату. Сонымен қатар, JICA осы жылдың маусым айында техникалық қолдау көрсетуге дайын.

Өз кезегінде Жапония тарабы қысқа мерзімде нығайтылуы тиіс маңызды құрылымдардың тізімін сұрады. Деректер JICA өкілдеріне беріледі.