Шығыс Қазақстан облысы әкімінің жаңа орынбасары тағайындалды.

Бұл лауазымға Сапанов Дархан Бақытжанұлы тағайындалып отыр, деп хабарлайды Altaynews тілшісі.

Дархан Сапанов 1985 жылы 2 қаңтарда ШҚО Тарбағатай ауданы Ақжар ауылында дүниеге келген. Шығыс Қазақстан мемлекеттік техникалық университетін (инженер-жылу энергетигі)және Шығыс Қазақстан мемлекеттік университетін ( менеджер) бітірген.

2007 жылдан бастап ШҚО мемлекеттік сәулет-құрылыс бақылау департаментінің бас маманы болып жұмыс істеді.

2008 жылдан - "Астанаэнергосбыт" ЖШС инженері, энергетика және минералдық ресурстар министрлігінің Электр энергетикасы және көмір өнеркәсібін дамыту департаментінің сарапшысы.

2009 жылдан – ҚР Премьер-Министрі Кеңсесінің бас сарапшысы, бас консультанты, сектор меңгерушісі, бас инспекторы, индустриялық-инновациялық даму бөлімі меңгерушісінің орынбасары.

2020 жылдың қараша айынан бастап - ҚР Президенті Әкімшілігінің мемлекеттік инспекторы.