Өскемен қаласының криминалдық полиция бөлімінің қызметкерлері іздеудегі қылмыскерді ұстады, деп хабарлайды Altaynews тілшісі.

30 жастағы азамат бұған дейін ҚР ҚК-нің 99-бабы 2-бөлігі бойынша сотталған. Кейінірек сот қаулысымен шартты түрде мерзімінен бұрын босап шығады. Алайда тұрғылықты жеріне бармағандықтан, Өскемен қаласының №2 соты қайта іздеу жариялаған.

Күдікті уақытша ұстау изоляторына қамалды.

Жыл басынан бері Шығыс Қазақстан облысының құқық қорғау органдары іздеудегі 40 қылмыскерді ұстағанын айта кетейік.