Облыс орталығындағы трамвай депосы жөнделіп жатыр.

Ескі ғимарат құлауға шақ қалған, деп хабарлайды Altaynews тілшісі.

Жұмысшылардың айтуынша, 1972 жылы салынған ғимараттың төбесінен су ағып, қабырғалары қақырай бастаған. Сондықтан көлік компаниясының өкілдері әуелі депо ғимаратын жөндеуді қол алған.

Мұнда мердігер ұйым – «ВК Строй Плюс» компаниясы екі айдан бері еңбектеніп жатыр.  Кірпіш қабырға мен шатырға – 2150 шаршы метр алаңға ағымдағы жөндеу жүргізілді. Енді дәл осындай екінші ғимарат жөнделеді.

Естеріңізде болса, ұзақ уақыт бойы жеке меншікте болған трамвай паркі мемлекет меншігіне қайтарылған еді. Соның нәтижесінде ауқымды жөндеу жұмыстарын жүргізуге мүмкіндік туды.