Шахтада қаза тапқандардың отбасыларына қандай көмек көрсетіледі
ҚР Премьер-министрінің баспасөз қызметі
Қарағанды облысының әкімдігі уәкілетті мемлекеттік органдармен бірлесе отырып, Костенко атындағы шахтада өрт салдарынан қаза тапқан "АрселорМиттал Теміртау" АҚ қызметкерлерінің отбасы мүшелерінің тізімін жасап жатыр.
Мемлекет басшысының тапсырмасы бойынша оларға жан-жақты көмек көрсетіледі, деп атап өтті үкіметтің баспасөз қызметі.
Қаза тапқандардың отбасыларына қандай қолдау шаралары көрсетіледі
компания қаражаты есебінен отбасыларға баспана сатып алу;
моральдық зиян үшін 10 жылдық жалақы мөлшерінде біржолғы төлем;
асырауында болған балаларға 18 жасқа толғанға дейін ай сайынғы сақтандыру төлемі (ЖОО студенті болса, 23 жасқа дейін);
Мемлекеттік әлеуметтік сақтандыру қорынан жалақысына байланысты ай сайынғы төлем;
қамқорлықтағы адамдардың санына байланысты асыраушысынан айырылу жағдайы бойынша ай сайынғы мемлекеттік жәрдемақы;
жұмыс берушінің қаражаты есебінен отбасылардың несиелерін өтеу;
жерлеуге байланысты барлық шығынды өтеу;
қаза тапқандардың балалары мен жұбайларын жұмысқа орналастыру;
23 жасқа дейінгі балалардың оқу ақысын төлеу;
қаза тапқандардың жұбайлары мен балаларына санаторий-курорттық емделуге жолдама беру;
үйді пешпен жылытатын отбасыларға жыл сайын көмір бөлу.
Көз жұмған кеншілердің отбасыларына көмек көрсету мәселесі үкіметтің ерекше бақылауында болады.
29 қазан сағат 09:00-дегі мәлімет бойынша Костенко атындағы шахтада 35 адамның денесі табылды, олардың 29-ының денесі жер бетіне шығарылды, 11 кеншіні іздеу жалғасуда.
Оқи отырыңыз
Өрттен қаза тапқандардың отбасына баспана беріліп, несиелері кешіріледі«Қазақстан» шахтасынан тағы бір кеншінің денесі табылдыӨрттен қаза тапқандардың отбасына қандай көмек көрсетілді?Қаза тапқан кеншілердің балаларына барлық қажетті қолдау көрсетіледі4 млн теңге. Ұшақ апатынан қаза болғандардың отбасына материалдық көмек көрсетіледі
