30 қарашадағы жағдай бойынша облыста қызылшаның 102(бір ай бұрын 48 болған) зертханалық расталған жағдайы тіркелді, қарқынды көрсеткіш деңгейі 14%-ды құрап отыр. Науқастардың негізгі үлесі – 82,4%-ы– 14 жасқа дейінгі балалар (84 жағдай).

Аурушаңдықтың үлесі 15,7%-ы ересектерде (16 жағдай) және 2,0%-ы жасөспірімдерде (2 жағдай) деп хабарлайды Altaynews.kz тілшісі.

Аурушаңдық жағдайлары облыстың келесі аудандары мен қалаларында тіркеліп отыр: Глубокое – 4,Зайсан – 7(4 бала), Алтай – 3, Самар– 8, Риддер – 1, Ұлан – 3, Өскемен – 75 (60 бала), Шемонаиха – 1.

Қызылшамен сырқаттанушылық негізінен екпе алмаған адамдар арасында тіркелуде – 79,4% немесе 81 адам (оның ішінде 21 жағдай – жоспарлы вакцинация жасына жетпеу, 26 жағдай –медициналық қарсы көрсетілімдер, 29 жағдай –вакцинациядан бас тартқандар, 5 жағдай – екпе алу мүмкіндігін өткізіп алғандар), вакцинацияланған адамдар 4,9%-ды немесе 5 адамды және 15,7% немесе 16 жағдайда белгісіз иммундық мәртебені құраған.

Ошақтарда эпидемияға қарсы іс-шаралар толық көлемде жүргізіліп, медициналық бақылаумен 6962 адам, оның ішінде 14 жасқа дейінгі 4263 бала қамтылған. Барлық қарым-қатынаста болғандарға 21 күн медициналық бақылау жүргізіледі.

Қазақстан Республикасы халқының арасында қызылшамен сырқаттанушылықтың одан әрі таралуының алдын алу және елдегі эпидемиологиялық жағдайды тұрақтандыру мақсатында осы жылдың 1 қарашасында «Қызылшаға қарсы санитариялық-эпидемияға қарсы және санитариялық-профилактикалық іс-шаралар жүргізу туралы» Бас мемлекеттік санитариялық дәрігерінің №7 қаулысы шыққан болатын. Осы қаулыға сәйкес ағымдағы жылғы 6 қарашадан бастап облыста қызылшаға, қызамыққа және паротитке (ҚКП) қарсы 6-11 айлық балаларға, желтоқсаннан бастап – қызылшаның егу мәртебесіне қарамастан 2-4 жастағы балаларға қосымша жаппай иммундау (ҚЖИ) басталды. Өңірде 6 айдан 11 айға дейінгі 8672 бала екпе алуға жатады. 30 қарашаға дейін 2085 балаға (24%) екпе жүргізілген, 2-4 жастағы екпеге жататын балалар саны – 26121, 383 бала (1,4%) екпе алды, бір реттік екпе алғандар – 391, екпеге жататындардың 24%-ын құрады (1628). 55 жасқа дейінгі екпеге жататын медицина қызметкерлері – 5300, егілгені – 37 (0,7%).

Елімізде қызылшамен сырқаттанғандардың саны 18 мыңға таяған. Ауру әсіресе, Алматы, Астана қалалалары мен Алматы, Атырау, Жамбыл облыстарында өршіп тұр. 30 бала жансақтау бөлімінде жатыр.

Жанаргүл  Мұқатай