Ұлттық банк Ұлттық қордың 2023 жылға арналған инвестициялық кірісінің көлемін жариялады, оның жартысы қазақстандық балаларға аударылады.

Ұлттық қордың 2023 жылдың 11 айындағы инвестициялық кірісі алдын ала мәліметтер бойынша 7,92 пайыз немесе шамамен 4,4 миллиард доллар, - деп хабарлайды Altaynews.kz cайты Tengrinews.kz –ке сілтеме жасап.

Ұлттық қордың активтерін басқару процесі ұзақ мерзімді инвестициялау қағидаты бойынша құрылғаны атап өтілген. Сондықтан, Ұлттық қор кірістеріндегі қысқа мерзімді құбылмалылықты сіңіру және балалардың шоттарына тұрақты жыл сайынғы төлемдерді қамтамасыз ету мақсатында есептеулерде 18 жылдағы орташа инвестициялық кірісті пайдалану туралы шешім қабылданды.

Төлемдерге сомаларды есептеу үшін жылжымалы негізде есептелетін Ұлттық қордың соңғы 18 жылдағы орташа жылдық табыстылығы пайдаланылатыны, балалардың арнайы жинақтау шоттарына есептелетін инвестициялық табыстың жыл сайынғы сомасы Ұлттық қордың табыстылығына байланысты өзгеріп отыратыны түсіндіріледі.