Елорда төрінде Л.Гумилев атындағы Еуразия ұлттық университетінде «Бердібек Сапарбаев тұлғасы: дағдарыс-менеджер феномені» атты республикалық ғылыми-практикалық конференция өтіп жатыр, деп хабарлайды Altaynews.kz тілшісі.

Белгілі саясаткер, мемлекет және қоғам қайраткері Бердібек Мәшбекұлы Шығыс өңірінің тізгінін ұстаған тұста бірегей бастамалар жүзеге асқан еді. Атап айтқанда, «Алтай – түркі әлемінің алтын бесігі», «Туған жерге – тағзым», «Туған ел – алтын бесігім» сынды ілкімді жобалар ел игілігіне жарап, аймақтың мәдениеті мен руханиятына тың серпін берді. Ғылыми конференцияға қатысушылар қайраткер тұлғаның көзі тірісінде елі үшін атқарған елеулі істерін еске алып, жылы естеліктер айтты.

Конференция аясында «Өнегелі өмір» кітабының тұсаукесер рәсімі болатынын айта кетейік.