Алматы қаласында найза лақтырудан ел чемпионаты өткен. Аталмыш додада С.Аманжолов атындағы Шығыс Қазақстан университетінің студенті екінші орынға табан тіреді, деп хабарлайды Altainews.kz тілшісі.

Жас спортшының үздік нәтижесі – 63.66 метр.

– Бар күш-жігерімді салдым. Берілген мүмкіндіктің бірінде найзам алысқа түсті. Дегенмен қарсыласымның ұпайы менен жоғары болып шықты. Алдағы уақытта дайындықты күшейтемін. Келесіде жеңіс тұғырынан көрінуді мақсат етемін, – дейді ШҚУ студенті Алексей Хлыстов.

Жерлесімізді алда көптеген ірі халықаралық жарыстар күтіп тұр. Ол енді жазғы маусымға дайындықты бастайды.