Елена Рыбакина Штутгарт турнирінің чемпионы атанды
instagram.com/lenarybakina
Қазақстандық теннисші Елена Рыбакина алғаш рет Штутгарт (Германия) WTA 500 турнирінің чемпионы атанды, деп хабарлайды Altainews.kz тілшісі ҚазАқпаратқа сілтеме жасап.
Қазақстанның бірінші, әлемнің 4-ракеткасы финалда әлемнің 27-ракеткасы, украиналық Марта Костюкпен чемпиондық атақты сарапқа салды.
Бір сағат 9 минутқа созылған матчта қазақстандық спортшы эйс жасамағанымен, 6 брейк-пойнттың төртеуін пайдаланды.
Осылайша, Елена Рыбакина өз спорттық жолында алғаш рет Штутгарт жарысының чемпионы атанды. Ол 500 рейтингілік ұпайға қоса «Порше» автокөлігіне ие болды.
Президент Қасым-Жомарт Тоқаев Елена Рыбакинаны Штутгарт турниріндегі жеңісімен құттықтады.
– Елена Рыбакинаны Штутгартта өткен теннис турнирінің жеңімпазы атануымен құттықтаймын. Қазақстанның бірінші ракеткасы биылғы маусымда осымен үшінші турнирде жеңіске жетіп отыр. Бұл – үлкен жетістік. Даңқты теннисшімізге толағай табыс тілеймін! – деп жазды Мемлекет басшысы Instagram парақшасында.
Оқи отырыңыз
