Денсаулық сақтау министрлігі медициналық қызметтерге тарифтерді кезең-кезеңімен көтеруге кіріседі.

Басымдық - балалар және босандыру қызметіне бөлінеді, деп хабарлайды Altaynews.kz тілшісі ҚР Денсаулық сақтау министрлігі ақпаратына сүйеніп.

Денсаулық сақтау министрлігі медициналық қызметтерге шығынды тарифтерді қайта есептеді. Негізгі мақсат - медициналық ұйымдарға қаржылық жүктемені азайту және барлық азаматтар үшін жоғары сапалы медициналық көмектің қолжетімділігін қамтамасыз ету.

Сақтандыру активтерінің есебінен қосымша бөлінетін қаражат сомасы денсаулық сақтау жүйесінің тиімсіз шығыстарын оңтайландыру нәтижесінде босатылды және 20 миллиард теңгені құрайды.

Абдоминалдық хирургия, инфекция, неврология, гастроэнтерология, кардиология, травматология және ортопедия, нефрология, эндокринология, онкогематология сияқты бірқатар басқа бағыттар бойынша тарифтерді кезең-кезеңімен арттыру жоспарлануда.