Алтыншы шақырылған облыстық мәслихаттың кезекті ХХV сессиясында депутаттар өңірдің әлеуметтік-экономикалық дамуына ұзақ жылдар бойғы жемісті еңбегімен және белсенді қоғамдық қызметімен үлес қосқан, «Шығыс Қазақстан облысының Құрметті азаматы» атағына ұсынылған азаматтардың кандидатураларын да бірауыздан қолдады, деп хабарлайды Алтайньюс тілшісі.

Олардың қатарында «Зайсан құрылыс компаниясы» ЖШС бас директоры Болатбек Нұрасыл, «Берел» республикалық мемлекеттік тарихи-мәдени қорық-мұражайының бас ғылыми қызметкері Зейнолла Самашев, ҚР ІІМ Есірткі бизнесімен күрес басқармасы бастығының орынбасары Бәделхан Камалханұлы, еңбек ардагері Дүйсембай Селиханов, «Красный Яр Ш/Қ» қарапайым серіктестігінің басшысы Сергей Быков және «Багратион ВВГ» шаруа қожалығының басшысы Василий Воропай бар.