Шығысқазақстандықтар 2022 жылға дейін 17 мың тонна мал етін экспортқа шығаруды жоспарлап отыр, деп хабарлайды Алтайньюс тілшісі «Хабар 24» сайтына сілтеме жасап.

Бүгінде Шығыс өңірінде өндірілетін мал етіне Қытай, Өзбекстан елдерінен сұраныс түсіпті.

Айта кетейік, облыстағы кәсіпкерлер ағымдағы жылсоңына дейін 1 мың тонна етті экспортқа жөнелтуді көздеп отыр. Оған өңірдің әлеуеті де жетеді.

Таяуда өзбекстандық делегация Үржар ауданында болып, асыл тұқымды шаруашылықтар жұмысымен танысты.

–Үржар ауданынан мал сатып алу ойда бар. Алдағы уақытта 45 мың қой, 100 бас ірі қарасатып алмақ ниеттеміз, - дейді Шавкат Халмұрадов, Қашқадария облыстық АШБ басшысының орынбасары (Өзбекстан).