Қазақстанда көлік құралын тіркеу туралы жаңа куәліктерді 1 желтоқсаннан бере бастайды, деп хабарлайды Алтайньюс тілшісі.

Бұған дейін жаңа үлгідегі автоқұжаттар келер жылдың 1 қаңтарынан бастап енгізілетіні туралы жазған едік.

Енгізу мерзімін өзгерту ІІМ министрінің бұйрығымен бекітіліп отыр.

Жаңартылған куәліктердің көлемі 5,5 х 8,5 сантиметр болмақ. Сондай-ақ, оған электронды чип орнатылып, күлгін түске өзгертіледі. Электронды чип арқылы автокөліктің барлық тіркеу мәліметтері енгізіледі.