Қалада қарға, құзғын қаптап кетті деп, депутаттар дабыл қағуда. Халық қалаулыларының сөзінше, бұлар қоршаған ортаға недәуір залал келтіреді екен.

Облыстық мәслихат отырысында осы мәселе қозғалды. Қарғалар қаладағы жөндеуден өткен саябақтарды бүлдірген көрінеді.

– Бұрынырақта орман шаруашылығы бұл жайды жіті қадағалап, жағдайды реттеп отыратын еді. Қазір ондай іс атқарылмай жатыр. Қаланы былай қойғанда бұл құстар Бұқтырма су қоймасының фаунасына да недәуір залал келтіріп жатыр, – деді жиында сөз алған халық қалаулысы.