Өскемендегі Спорт сарайы аялдамасының тұсынан салынып жатқан жаяу жүргіншілер көпіріне лифт орнатылуда, деп хабарлайды Алтайньюс тілшісі.

Құрылысшылардың айтысынша, негізгі шаруа аяқталуға айналып, көпірдің қабырғаларын сылап, ішкі жағын жөндеу жұмыстары қалған.

– Қазан айының соңына дейін барлық істі аяқтап, лифтіні де орнатып үлгереміз деп ойлаймыз. Әлбетте, ауа райы қолайлы болса, – деді қалалық ТҮКШ баспасөз қызметі.

Көпірге үш лифт орнатылады. Лифтілер зейнеткерлерге, мүгедектерге, жүкті әйелдерге және баласын бесік-арбамен алып жүрген ата-аналарға қызмет қылады.

Көпірдің екінші бөлігі Абай даңғылының қос қапталын жалғап тұрғаны белгілі. Ол жақтағы бағдаршам жол жөнделіп болғанға дейін жұмыс істей береді.