Қорғаныс министрі Шығысқа келді
Қорғаныс ведомствосының басшысы Нұрлан Ермекбаев Семей және Өскемен гарнизондарындағы құрамалардың, сондай-ақ әскери бөлімдер мен мекемелердің ахуалына қанықты.
Сапары барысында Қорғаныс министрі қару-жарақ пен әскери техниканың сақталу тәртібі мен шарттарын, оқу-материалдық базаның жай-күйін, әскери қызметшілерді әлеуметтік қамтамасыз ету мәселелерінің іске асырылуын, сондай-ақ инфрақұрылым мен техникалық аймақ нысандарын тексерді. Бұдан басқа, ведомство басшысы «Семей инжиниринг», «Семей машина құрастыру зауыты», «Семей автожинау зауыты» АҚ-да болды. Мұнда өндіріс цехтарының барлық жұмыс циклдарымен танысты.
Сонымен қоса, Нұрлан Ермекбаев, Шығыс Қазақстан облысының қорғаныс істері жөніндегі департаменті мен қоян-қолтық ұрыс федерациясына аялдады. Ресми сапардың нәтижесінде министр «Шығыс» өңірлік қолбасшылығының әскери бөлімдері мен бөлімшелердің қызметін оңтайландыру, оқу-материалдық базаны жетілдіру және әскери қалашықтардың инфрақұрылымын одан әрі дамыту жөнінде нақты тапсырмалар жүктеді.