Бақыршық орта мектебі Жарма ауданындағы ең көне білім мекемесі болып табылады. Мектептің ғимараты күрделі жөндеуді қажет етіп тұрғанына жылдардың жүзі болған. Оған арнайы облыстық бюджеттен қаражат бөлу керек еді.

Алайда қыркүйек айынының таяп қалуына байланысты аудан басшысы Нұрлан Сыдықов өздерінің күшімен ішінара жөндеу жұмыстарын жүргізуге шешім қабылдаған екен. Ол үшін аудандық бюджеттен 14 млн теңге бөлініп отыр. Мердігер комания – өскемендік «ПК-СтройБыт» ЖШС.

Ең алдымен, оқу жылы басталғанға дейін мектеп ғимаратының ішкі жағын өңдеуді аяқтау қажет. Негізгі ғимараттың шатырын ағымдағы жылдың қазан айына дейін бітуге тиіс.