Аймақ басшысының облыстағы жолдарда жүргізіліп жатқан жөндеу жұмыстарына көңілі толмады, деп хабарлайды Алтайньюс тілшісі.

Бұл туралы облыстық мәслихат сессиясында айтылды. Даниал Ахметов Қарауыл ауылына дейінгі жолға жасалған жөндеудің сапасын жуықта өз көзімен көріп қайтқан екен.

-Жұмыстың сапасы өте төмен. Екі жылдан кейін жол қирап қалады! – деді әкім.

Сондай-ақ, ол Өскеменнің жырға айналған жолдарын да сынға алды. Жөндеу жұмыстары жобалаушылардың қателігінің салдарынан әлі созылып келеді: әр учаскеде құжаттаманы қайта жасап, түзетулер енгізуге, өткізу мерзімін ұзартуға тура келіп отыр екен.

Мәслихат депутаттары Шемонайха мен Семей арасындағы тас жолдың өте нашар күйін де қоса сөз етті.