Қараша айының 10-11 күндері қардың толассыз жаууына байланысты, Күршім ауылында және ауылдық аймақтар арасындағы жолдарды қардан тазалау жұмыстары қарқынды жүргізілуде,- деп хабарлайды Altainews.kz тілшісі.

Қарды уақытылы тазарту және ауылдық аймақ тұрғындарының еркін жүріп-тұруын қамтамасыз ету мақсатында, жергілікті коммуналдық кәсіпорын қажетті техникалық ресурстарды жұмылдырды. Жұмыстарға 3 МТЗ-82 тракторы, 1 автогрейдер және 3 жүк тиегіш көлігі үздіксіз қатысуда.

Жолдардың қардан таза болуы, қауіпсіз қозғалыс пен ауыл шаруашылығы мен тұрмыстық қажеттіліктердің уақытылы орындалуын қамтамасыз етеді. Күршім ауылының тұрғындары бұл жұмыстардың тиімділігін жоғары бағалауда. Қар тазалау шаралары ауа райы жақсарғанша жалғасады, бұл халықтың еркін әрі қауіпсіз қатынасын қамтамасыз етпек.